您现在的位置:主页 > 人工动力 >平价靓景游 ! 旅摄 秋色4大贴士 @Travel 佳

平价靓景游 ! 旅摄 秋色4大贴士 @Travel 佳

2020-07-08 人气:225

秋天到喇,我Travel佳就最钟意拎住部相机飞去欧洲不停影景!不过香港人咁鬼忙,睇怕都请唔到咁多日假潇洒欧游㗎啦。唔洗灰喎,推介一个平价又靓景嘅选择比大家,四川!地方辽阔、黄叶靓,缩时摄影艺术家Francis So上个月就去咗一趟,啲片同相真係无得输。以下4大 旅摄 贴士 ,俾想去影相嘅朋友留意返:

1) 浓缩原汁原味靠 Timelaspe

好多人钟意用 Time-lapse 纪录时间流动,Francis 就认为 8K Time-lapse 质素先够好。呢次四川嘅製成品,影片边缘够 sharp,而且像素好清,重点拍摄某啲细节都无问题。大家要留意返:拍摄 time-lapse 需时,天气同环境都好影响成品,影之前要做定功课,趁好天个日好好捕捉 ,配上合适摄影器材,有高反差还原颜色,就可以细緻拍摄所有云层、 光影流动变化,原汁原味!

Francis 四川 Timelaspe:

贡嘎雪山观景台

Canon EOS 5DS R · EF 16-35mm f/2.8L III USM

2) 10 月尾至 11 月去!秋色最浓!

10 月尾至 11 月係四川旅行摄影旺季,遍布黄叶。Francis 去过好多国家影靓相,认为四川风景係可以媲美瑞士㗎!

平价靓景游 ! 旅摄 秋色4大贴士 @Travel 佳
想影到直通天空、高耸入云嘅黄叶林景,嚟到新都桥用上16mm嘅超广角镜,透过接近108°视角就可以呈现哩个夸张效果。Francis使用嘅呢支镜头,第二片镜片加入「ASC」涂膜,即使向上拍摄对正太阳係中间,张相都唔会有鬼影同眩光。新都桥有「摄影家的天堂」美誉,沿途出去康定嘅路上都有好多美丽风景,摄影爱好者必去!Canon EOS 5DS R · EF 16-35mm f/2.8L III USM ·16mm · f/8 · 1/800 s · ISO 100

 

3) 搵人带路!寻找最美风景

据 Francis 经验,其实去四川真係唔鼓励大家自驾游,一来因为太多泥路,唔熟路嘅话会危险;二来顾得搵路又顾唔切搵景。想去影靓相嘅话,都係预约当地司机一同前行啦。

平价靓景游 ! 旅摄 秋色4大贴士 @Travel 佳
新都桥远景都好靓!要将眼前风景嘅色彩同光影层次完美纪录 ,透过呢支新加入2片大口径双面非球面镜片嘅镜头, 会比较容易影到高解像度同高颜色反差嘅树林同山景,相片边缘亦唔会变得模糊。Canon EOS 5DS R · EF 16-35mm f/2.8L III USM · 16mm · f/8 · 1/320s · ISO 100

 

平价靓景游 ! 旅摄 秋色4大贴士 @Travel 佳
朝早6点钟上到贡嘎雪山观景台,搵到好景又难得遇到好天气,但有大太阳又会喺相片产生鬼影与眩光,都唔容易拍摄。Francis 分享好彩当时使用呢支加入「SWC」涂膜嘅镜头, 即使有强烈光源于图片角位出现,都可以保持光影反差同还原景物颜色。Canon EOS 5DS R · EF 16-35mm f/2.8L III USM · 24mm· f/5.6・1/320s・ISO 100

4) 夜景一样掂!必去佛学院影红色小屋

唔好以为四川夜景一定漆黑一片,错喇,其实夜晚一样有机会影到灯火通明嘅景色,好靓㗎。推介世界上最大藏传佛学院,旁边红色小屋分别有超过三万僧众居住,下午佛寺飘出缕缕细烟,被称为「人间凈土」。清静地虽然唔可以随便打扰,不过入夜咁靓,要影!影夜景时好似 Francis 咁拣番一支岩影低光景色嘅镜头,咁就唔怕位于相片边缘嘅小屋会无哂细节啦。

平价靓景游 ! 旅摄 秋色4大贴士 @Travel 佳
配合埋EOS 5DS R 5,060万超高像素 ,全景嘅层次都可以极细緻 呈现!Canon EOS 5DS R · EF 16-35mm f/2.8L III USM · 27mm · f/4·30s · IOS100

如果你都计划紧旅摄行程、搵紧摄影好拍档,

可以参考下 Francis 既拍摄器材清单:

EOS 5DS R:

EF 16-35mm f/2.8L III USM :

想去四川影黄叶嘅朋友们留意返,四川消费唔算高,就以今次旅程为例 ,Francis 只係用大概 $9,000 港币连机票食宿就去足 11 日,可以一战。起行啦!

图片来源及授权:缩时摄影艺术家 Francis